JOQ Albania
Home

Gjeti një shishe në det dhe kërkoi pronarin në Facebook, vajza merr vesh lajmin e trishtë
Shkruar nga: D Cani | Publikuar më: 09/03/2019 21:24

  • Share
  • Share
  • Share
  • Share

Një vajzë argjentinase bëri një postim në llogarinë e saj në Facebook, pasi gjeti një shishe që përmbante një mesazh. Ajo kërkoi pronarin përmes rrjeteve sociale, pa menduar se do të merrte lajme të trishtueshme.

Protagonistja virale e Facebook, e identifikuar si Luisina Morando, po pastronte nga plehrat vendin e quajtur Bay Creek, një vendpushim bregdetar 90 kilometra nga Viedma, Argjentinë, ku papritmas zbuloi një shishe me një letër që ishte nga viti 1975.

Letra ishte shkruar nga Miguel J. Borges, ku theksonte se do t’i ishte mirënjohës personit që do ta gjente, ndërsa aty kishte shkruar edhe një sekret.

Përafërsisht 4 mijë njerëz ndanë publikimin në Facebook-un e tyre, për të gjetur pronarin e vërtetë të shishes. U desh të kalonte vetëm një ditë për të marrë lajmin.

Kishte qenë gruaja e Miguel, që kishte kontaktuar vajzën, duke e njoftuar  se ai kishte vdekur rreth 5 apo 6 vjet më parë. Ajo gjithashtu ishte shprehur "ishte dëshmitare kur bashkëshorti i saj hodhi shishen në det", dhe nëse "ai ishte gjallë, ai do të ishte tronditur të dijë se dikush e kishte gjetur mesazhin e tij".

Luisina Morando falënderoi mbështetjen e mijëra njerëzve që arritën të kishin kontakt me familjen e Miguel Borges, pronarit të letrës.

Ajo çfarë përmbante letra në anën tjetër, nuk u bë publike për respekt të të ndjerit.