Jeta Osh Qef
Home

E krijuar për Shën Valentin, kjo është akullorja më e rrezikshme në botë
Shkruar nga: A Shehaj | Publikuar më: Tue Feb 13

  • Share
  • Share
  • Share
  • Share

E krijuar veçanërisht për ditën e Shën Valentinit, kjo që do t’ju tregojmë më poshtë është cilësuar dhe quajtur "akullorja më e rrezikshme në botë".

Krijuesi i saj,  një punonjës i Aldwych Cafe në Skoci, ka bërë me dije se akullorja është 500 herë më pikante se salca djegëse Tabasco.

Sipas vëllezërve dhe bashkëpronarëve të kafenesë, Lee dhe Martin Bandoni, ideja për këtë akullore potencialisht vdekjeprurëse vjen nga Italia.

Ata thonë se receta do të mbetet sekret dhe vetëm një pjesë e vogël e njerëzve e dinë sesi ta bëjnë këtë akullore të pazakontë dhe djegëse.

Lee madje e quajti atë ‘një shpërthim termik në gojën tuaj’ ndërsa përshkroi recetën.

Për të shmangur çdo çështje ligjore që ka të bëjë me shëndetin, akulloren mund ta blejnë vetëm klientët mbi moshën 18 vjeç.

Gjithashtu ata duhet të nënshkruajnë një deklaratë që i informon ata mbi rreziqet e mundshme që kanë të bëjnë me ngrënien e ‘ Devil’s Breath’ si lëndime, sëmundje dhe humbja e mundshme e jetës.